Þar sem líkami, hugur og hjarta fá að vinna saman
Þar sem líkami, hugur og hjarta fá að vinna saman
Að þekkja styrkinn sem býr innra með okkur og finna jafnvægið milli þess að hlusta, hlúa að og ögra okkur.
Meðvitaður styrkur sameinar hreyfingu, núvitund, jóga og verkfæri jákvæðrar sálfræði til að styðja við jafnvægi, vellíðan og innri ró.
Viðburðir og námskeið
Tímar, námskeið og viðburðir þar sem hreyfing, nærvera og tenging við okkur sjálf fá að njóta sín.
Fyrirtæki & vinnustaðir
Fjölbreytt og sérsniðin þjónusta sem styður við hreyfingu, nærveru og vellíðan á vinnustað.
Nærandi helgar
Rými til að stíga út úr amstri hversdagsins, hreyfa líkamann, hægja á og hlaða batteríin í góðu umhverfi.
Ég heiti Lilja Ketils
Ég trúi því að styrkur snúist um svo miklu meira en það sem líkaminn getur. Hann felst líka í því að þekkja sjálfan sig, hlusta á eigin þarfir og hafa hugrekki til að mæta því sem lífið færir okkur.
Í mínu starfi fléttast saman hreyfing og styrkur, jóga, somatics, qigong, núvitund, markþjálfun og jákvæð sálfræði. Nálgunin getur verið mjúk eða kraftmikil, kyrr eða full af hreyfingu, allt eftir því hvað við þurfum hverju sinni.
Kjarninn er þó alltaf sá sami: að styrkja tenginguna við okkur sjálf og finna jafnvægið á milli þess að hlúa að okkur og ögra okkur.
Mér finnst fátt meira gefandi en að skapa rými þar sem fólk fær að staldra við, tengjast sjálfu sér og finna sína eigin leið.
Menntun og reynsla
Leið mín hefur í gegnum árin legið um ólík svið sem öll tengjast því sem ég geri í dag – hreyfingu, heilsu, mannlegri hegðun og vellíðan.
Ég hef markvisst byggt við þekkingu mína með námi í meðal annars viðskiptafræði, jákvæðri sálfræði, markþjálfun, jóga, somatics og þjálfun. Samhliða hef ég öðlast fjölbreytta reynslu af því að vinna með einstaklingum og hópum.
Þessi breiði bakgrunnur mótar nálgun mína í dag, þar sem líkamleg og andleg vellíðan fá að vinna saman.
Næst á dagskrá
Námskeið og viðburðir þar sem við könnum ólíkar leiðir að hreyfingu, nærveru, tengingu og vellíðan.
Somatic Yoga
Somatic jóga býður okkur að færa athyglina frá því hvernig hreyfingin lítur út yfir í hvernig hún finnst. Iðkunin er flæðandi, hana er hægt að iðka sem hugleiðsla á hreyfingu eða flétta hana inn í kröftugri líkamlega iðkun til að auka flæði, mýkt og léttleika.
Förum á dýptina – tökum á móti Nautinu
Kvöldstund þar sem við hægjum á, snúum athyglinni inn á við og gefum okkur rými til að hlusta.
Nærandi helgi í náttúrunni
Helgi þar sem við hægjum á, hlöðum batteríin og tengjumst líkama og huga í fallegu umhverfi.
Pop-up tímar í Október
Styrktartími á rólegum hraða þar sem vönduð tækni, góð líkamsstaða og meðvituð hreyfing eru í fyrirrúmi. Við vinnum með fáar endurtekningar og gefum okkur tíma til að finna stöðugleika og stjórn í hverri æfingu. Mjúkt flæði tengir hreyfingarnar saman og skapar jafnvægi milli styrks og liðleika. Engin reynsla nauðsynleg og öll geta tekið þátt
Fyrirtækjaþjónusta
Engir tveir vinnustaðir eru eins. Þess vegna aðlaga ég þjónustuna að fólkinu, aðstæðum og þörfum hvers vinnustaðar. Hvort sem kallað er eftir meiri hreyfingu og orku, ró og endurheimt, fræðslu eða einfaldlega góðri stund saman.
Fyrirtækjaþjónusta
Vellíðan starfsfólks er ekki munaður, hún er mikilvægur hluti af heilbrigðu og öflugu vinnuumhverfi.
Engir tveir vinnustaðir eru eins. Þess vegna aðlaga ég þjónustuna að fólkinu, aðstæðum og þörfum hvers vinnustaðar. Hvort sem kallað er eftir meiri hreyfingu og orku, ró og endurheimt, fræðslu eða einfaldlega góðri stund saman.
Það sem ég býð upp á
- Fyrirlestra og vinnustofur um streitu, núvitund, jafnvægi og vellíðan
- Hreyfi- og styrktartíma sem sniðnir eru að hópnum og þeirri aðstöðu sem er til staðar
- Jóga, Somatic Yoga, Qigong og meðvitaða hreyfingu með áherslu á líkamsvitund, hreyfanleika og vellíðan
- Hópefli og vellíðunarstundir þar sem hreyfingu, öndun, núvitund og hugleiðslu er fléttað saman
- Staka viðburði eða reglulega tíma fyrir starfsfólk, á vinnustað eða annars staðar
- Sérsniðnar lausnir þar sem ólíkum þáttum er fléttað saman út frá þörfum, markmiðum og menningu hvers vinnustaðar
Hvort sem markmiðið er meiri orka og styrkur, minni streita, aukin vellíðan eða einfaldlega góð stund saman, finnum við leið sem hentar ykkar vinnustað.
Póstlisti
Fáðu fréttir af nýjum námskeiðum, viðburðum, hugleiðslum og öðru sem er framundan.
© 2026 Meðvitaður styrkur · Lilja Björk Ketilsdóttir